الاحداث ـ وجه عضو الهيئة التنفيذية في القوات اللبنانية جوزف جبيلي رسالة إلى الرئيس الشهيد بشير الجميل قال فيها:"

إلى القائد المؤسس الشهيد بشير الجميّل،

حظي الكبير والشرف العظيم إني عرفتك بأيام الحرب، أيام النضال العسكري والمقاومة، أيام كنت فيها حامل الراية وعينك على مستقبل لبنان. صحيح إنه خسرتك، مثل ما خسروك كتير من الرفاق، ومثل ما خسروك كل اللبنانيين الشرفاء، بس تركت بقلوبنا إرث ما بينمحى، وصورة قائد ما بينتسى.

كنت القائد العسكري الشجاع، ورجل الرؤية والفكر السياسي. حلمت بلبنان المستقبل، لبنان السيادة الكاملة، لبنان أولاً وأخيراً ، لبنان السلام الحقيقي مش سلام الاستسلام. أنت كنت رمز المقاومة اللبنانية، يللي ما بتساوم وما بتستسلم، ويللي وقفت بوجه كل المؤامرات لتبقى راية لبنان مرفوعة، وما نكون عملاء لحدا.

رحلت وقالوا عنك:

"L’esprit d’un peuple, l’âme de la résistance, l’homme d’une nation, l’espoir des Libanais"

لأنك كنت الرجل اللي حمل هم الوطن بأصعب الظروف، ورغم كل الصعوبات كنت الأمل للبنانيين.

وقبل ما ترحل عنا قلتلنا:

"je compte sur vous, l’esprit doit être très pur, très propre, très fort et très droit. 

On continue"،

بقينا واستمرينا بعد رحيلك، رغم المخاض الصعب، ورغم الاضطهاد الشرس ومحاولات الإلغاء يللي ما شافها ولا حزب ولا مجموعة سياسية بلبنان،

وبقيادة الحكيم سمير، حامل الأمانة، المحافظ على الخط يللي رسمته بدمك، الحكيم اللي بقي راسخ، واقف بوجه كل الرياح، وعلى نفس النهج والمبادئ، ورغم كل التحديات، القوات اللي أسستها بعدها مستمرة، مقاومة شريفة، دفاعا عن السيادة، وإصرار على بقاء لبنان حر ومستقل.

و"بقيت على وعد البشير القوات اللبنانية".

بشير، ما منساك، أنت حي فينا، والغد لنا".