الاحداث- كتب جوزفين حبشي
من فجّر بيروووت؟؟؟
من سرق من "تمّنا" اللقمة، ومن جيوبنا الدولار، ومن صحتنا اللقاح؟
اين اختفوا اللقاحات ، والى ايييين راحوا؟؟؟؟
ايه ما يروح فكركن لبعيد، وما كتير تتأثروا بعشرة عبيد زغار ، واجواء المؤامرة والجريمة. ما في شي منو ابدا.
-اول شي عيب تتهموا دولتنا بتهريب ال٥٠٪ لقاحات على سوريا. ما سمعتوا وزير الصحة السوري لمّا قال انو سوريا تلّقت اللقاحات من "دولة صديقة" ؟ ونحنا على حد علمي مش دولة صديقة، نحنا دولة ...شقيقة.
-تاني شي، نص ال٥٠٪ راحوا ل لبنانيي اكتر من غيرن، وهني بالمناسبة ممثلين عن حضرتنا ، بيحكوا بأسمنا وبياخدوا اللقاح عّنا. ايه شو فيها؟ مش نحنا عاملينلن توكيل عام وماضينلن على بياض؟ لكان هسسسس، ولا كلمة. وما تعتلوا همّ البنك الدولي وتهديداتو بتجميد ارسال اللقاحات. نحنا ما حدا بيهددنا. ماكسيموم منصير نطلب اللقاح ديليفري عالبيت، بيت الشعب، او المجلس النيابي او السراي الحكومي... ألو، وحياتك ابعتلي ٢ كيلو بطاطا وعلبة لبنة و٣ لقاحات تفاحتين وعنب وحامض. شو؟ ليمونة حامضة، اكيد رح ادفعلك حقن، بكرا.... بصندوق الانتخابات.
============
