الاحداث- كتب رشيد قيامي

نزل عليّ خبر العقوبات الأميركيّة التي ستطالك اليوم كالصاعقة. حطّيت حبّة تحت لساني أحسن ما روح فيها. بتعرفني ما ممكن إتحمّل هيك خبريّة رغم ما يشوب علاقتنا ويعتريها من توتّر  . بعرف ما رح تفهم شو يعني " يشوب " و " يعتريها "..مش مهمّ ، ولكن توتّر واضحة. 
جبران
ضلّيت قلّك وأنصحك لا بقى ترفع أصبعك وتهدّد، ولا تبقى تحاول تكبّر راس عالأميركان ، ما كنت تقنع، حتّى قرّروا الجماعة " يسحسحولك ".  هيدي واضحة أكيد.  سحسحَ - يُسحسِحُ - سحسوحاً.  
بعرف، ما تخبّرني. يا ما مسحسحينلك قبل.  مش مهمّ هلّق.  
الأميركان مش ناسينلك جملتك الشهيرة بدافوس لمّن كنت بدّك تعلّمهن هنّي والإنكليز  “ How to rule a country without a budget “.  إنّو قليلي إنت شو تعجرفت عليهم ؟ يا أخي كنت طوًل بالك شوي. تفضّل هلق شو بدّك منّي أعمل؟ معقول إتركك بهالورطة ؟ والأنكى من هيك إنًو أنا غاطس لدينيّي بالإنتخابات بهاليومين وعلاقتي مع ترامب ، ما بخفيك ، مش ولا بدّ. الزلمي زعلان منّي لأنّي داعم خصمو بايدن.  
طيّب هلّق، ما بدّي طوّل عليك. بس بوعدك في حال إنحسمت اليوم لصالح بايدن، بوعدك رح بشتغل حتّى شيلك من هالمصيبة.  الزلمي صديقي وبمون عليه. 
بعد شغلة، لا بقى ترفع أصبعك، أحسن ما ...
بخاطرك...

===========