الاحداث - كتب النائب المستقيل إلياس حنكش عبر حسابه على "تويتر": شيخ الشباب، نحنا منحب حسابك، بس خليني خبرك شو عملت وشو صار معي.
بعد ما فرضوا الشباب قيود على سحب الأموال وسمحوا لجماعتن بتحويل ملايين:
١. توجهت بكتاب للحاكم بأمره رياض سلامة للكشف عن هالتحويلات، وجاوبني بكتاب.
٢. تقدمت لرئيس المجلس بطلب تشكيل لجنة تحقيق برلمانية
٣. طلبت من لجنة الإقتصاد عقد إجتماع مع الحاكم للإستيضاح، حضر بس أجوبته غير مقنعة متل العادة.
٤. إجتمعت مع السفيرة السويسرية بعد تسريب معلومات عن نقل هالأموال لسويسرا.
٥. إلتقيت مدعي عام التمييز غسان عويدات لمتابعة مسار التحقيق
وأضاف: جميع هالمحاولات فشلت وما قدرت أوصل لنتيجة متل كل الملفات يلي عارضناها وحاولنا كشف الحقيقة فيها بس نحنا عم نتعامل مع مافيا بتتقن التحايل على القوانين وتضيّيع وتميّع أي تحقيق ...
نحنا بأمرك، شو بتقترح نعمل بعد؟
========
