الاحداث - غرّدت الوزيرة السابقة ندى بستاني عبر "تويتر"، ردًّا على ردّ النائب عماد واكيم: "بهنيك انك لقيت اسم مختار منطقتك بس برجع بأكد إنو انا شخصيّا ما إلي علاقة بالموضوع والأفضل انك تتأكد من معلوماتك كرمال مصداقيتك وبس تتأكد فيك تعتذر والاعتذار عن الخطأ فضيلة... تفضلوا سلموا المطلوبين للعدالة وبلا متضيعوا وقتكن على خلق الأكاذيب لتضليل الرأي العام!". 

وجاء في ردّ واكيم: "تكرمي ست ندى انت وكل العونيين: المختار العوني اسمه ابراهيم حنا وصهريج التوزيع لمحطة جوزيف بوزردان شفتوا مين الكذاب؟". 

وكانت بستاني غرّدت سابقاً، قائلة: "كذبة جديدة بمسلسل التخبط القواتي اخترعها اليوم واكيم لتضليل الرأي العام والتغطية على ملف احتكار المحروقات وتغطية القوات لابراهيم الصقر عبر اتهامي بتوزيع المازوت للأشرفية بالسوق السودا. بنفي هالاتهام من أساسو وبتحدا يعطينا الدليل. لو الانسان بيتعلم من تجارب غيرو شو كان بيوفّر علينا دعاوى وبيوفّر عحالو شماتة. بدل ما تضلّلوا الناس وتجربوا تحصلوا من القضاء عقرار لاسترجاع هالمحروقات تفضلوا سلموا المطلوبين بالقضية وخلوا العدالة تاخد مجراها والناس تعرف الفاسد الحقيقي!".