الاحداث- أعلن المؤلف مدحت العدل تفاصيل إعادة إنتاج أوبريت "القدس هترجع لنا" و"الحلم العربي" في حفل في دار الأوبرا المصرية يقام يوم الأحد  المقبل 29 تشرين الأول الجاري، ويعرض على الهواء مباشرة.
 
وقال العدل خلال لقاء مع ET بالعربي: "في ناس دايما تسألنا هو أنتوا هتقعدوا تغنوا؟ يا جماعة إحنا شغلانتنا نغني يا إما اللي بيخبز ميخبزش واللي بيروح للدكتور ميروحش، دي شغلانتنا بس إحنا المرة دي عاملين حفلة مذاعة على كذا محطة على الهواء وهنجمع تبرعات لأهلنا في غزة ".
 
وتابع: "هنعمل القدس هترجع لنا والحلم العربي وهيبقى في نجوم كبار هيغنوا أغاني عن فلسطين وهيبقى يوم الأحد القادم 29 أكتوبر (تشرين الأول) في دار الأوبرا المصرية، أنا قدمت دعوة من خلال حساباتي والتليفزيون اللي عايز يجي يشارك أهلا وسهلا واللي عايز يجي وتمنعه الظروف هنجيب بديل له".
 
وأكمل العدل موضحا أنه سيجري بعض التعديلات على الأوبريت وقال: "أعتقد هشيل جزء منه مش هيبقى نفس الطول هو 17 دقيقة هختصر منه، هيبقى فيه شوية تغييرات تلائم روح العصر والإيقاع الموجود وإن شاء الله يكون ليه نفس التأثير".
 
وأوضح أنه سيقوم خلال الحفل بإلقاء أبيات شعرية وأيضا الشاعر جمال بخيت.