الاحداث- كتب جهاد يونس

سرقولك جنى عمرك،،،بهدلوك،،،ذلوك،،،عيشوك بجهنم.
شو بعدك ناطر ؟؟؟

قوم وقاف ، صلب إيدك على وجهك وإنتهر الشيطان يللي عم يخوفك ويعملك حالة إحباط.

قوم وقاف،،،قوي ركابك واجتهد لتحقق إنتصار إرادة الحياة على الموت،اصرخ بالعالي بوجه كل فاسد ومتسلق وظالم ومرتهن،،،قول لاء لهالطبقة السياسية الفاسدة يللي افلست لبنان وهجرت شبابنا وافقرت الشعب.

مش مسموح تقعد على جنب وقت يللي بلادك بحاجة إلك، لصوتك ،،،

إنتخب صح كرمال اجدادنا يللي صمدوا بهالارض وأبطالنا والشهداء والقديسين والبطاركة العظام من مار يوحنا مارون والبطريرك القديس مار نصرالله بطرس صفير لسيد بكركي اليوم غبطة أبينا البطريرك الكاردينال مار بشارة بطرس الراعي.

قوم وقاف وانتخب لبنان الحضارة والرقي والتقدم،،،لبنان الحرية والسيادة والاستقلال،،،لبنان العولمة والانفتاح،،،لبنان السلام والعيش المشترك،،،لبنان الايخاء والعدالة والمساواة.