الاحداث- كتبت جوزفين حبشي

‎له، له،له شو هالخبرية؟؟؟ قال الرئيس الفرنسي ايمانويل ماكرون مكَوّرَن يا حرام،  والرئاسة الفرنسية ما معها خبر لا كيف ولا وين انصاب بفيروس كورونا. 
‎لا داعي للهلع، انا رح قلك وين يا مسيو لو بريزيدان. 
هون chez nous انصبت يا حبيبي. نعم ، نعم هون au Liban. شو؟ صرلك فالل اكتر من شهرين؟ ايه وإذا؟ شو يعني؟؟؟ حبيبي عنا هون بلبنان كل شي غير ، حتى التواريخ والمِهل غير. حتى كورونا غير. ما في شي عنا اسمو " تاريخ الصلاحية" ،  ومن والى. عنا كل شي مفتوح. يا تسلملي العهد فات بالسنة الرابعة وبعد ما قلّع لهلأ،  واللمبة  وعد يجيب الكهربا 24على 24 من 10 سنين, وبعدنا من يومتها بالتقنين ، ورئيس مجلس النواب صرلو عم يطرق بمطرقتو من ايام ارتحششتا، والحريري ما بيلحق يروح تا يرجع. ولك حتى"Miss Lebanon" تمددت ولايتها الى أجل غير مسمّى، 
وPCR الانفجار اللي مفروض يبيّن ب 5 ايام بس ،صار مارق عليه 4 اشهر وبعدا النتيجة نيغاتيف، وانت من كل عقلك بدك فيروس الكورونا اللي لقطتو عنا بلبنان،  يبيّن ماكسيموم معك بس ب ١٤ يوم؟
حبيبي ماكرون، من قلبي بتمنالك  bonne guérison ونصيحة، لا بقى توجّه صوبنا.

==========