- الجمعة 19 نيسان 2024
سفراء «الخماسية» يختتمون...
- الجمعة 19 نيسان 2024
إجراءات متلاحقة لضبط الانفلاش...
- الجمعة 19 نيسان 2024
القلق اللبناني من توسيع إسرائيل...
بدّي لقاح الطبل والزمر
الاحداث- كتبت جوزفين حبشي
اليوم عالساعة خمسة العصر، واصلة ال "كولكشن" الجديدة من لقاح كورونا عمطار رفيق الحريري الدولي. صحيح انا بعد ما تسجلت عالمنصة، بس رغم هيك انا برفض رفضا قاطعا اخد من لقاح ال"نيو كولكشن"، وبدي من أول مجموعة، اللي وصلت بأول شباط، وانعملها طنّة ورنّة وطبل وزمر وزغاريد واحتفالات وتصوير وسيف وترس ودبكة وقصّ غاتو و...آه لأ، توخيا للمصداقية، ما قصّ هالمرة الوزير غاتو. المهم، انا مش حبة ولا حبتين، انا "حقنة"، وما ممكن آخد لقاح واصل هيك عالسكت ، من دون هيصة وهرج ومرج وكر وفر ومواكبة اعلامية لهالحدث الجلل . لهيك اذا ما بيوعدني الوزير حمد حسن شخصيا انو رح يشلّي لقاح من أول مجموعة ، ما رح اتسجل. Sorry ، بس الدنيي مقامات، واللي استحى... مات!
========